Fór út úr húsi. Það telst til tíðinda.

Brá dálítið þegar ég gekk inn í Blóðbankann, með grímu sem ég setti á mig í tröppunum, því blóðgjafar sem ég mætti voru allir (fjórir) grímulausir. Sá sem mætti næstur á eftir mér var með grímu.

Beið í korter þó ég hefði bókað tíma.

Var boðin gríma þegar ég fór inn í aftöppunarsalinn, sá þá að gjafar voru beðnir um að henda grímunum þegar þeir fóru út. Útskýring komin á grímuleysi bljóðgjafa frammi. Kom líka í ljós að það vantaði starfsmann sem átti að mæta 11:00 og því var töf.

Ég hélt minni grímu enda á leið annað og þó hún hafi verið einnota þá er hún ekki alveg svo einnota.

Fékk möffins, hafraköku og djús.

Kom við í Vínbúð fyrir hádegi á virkum degi. Allir aðrir viðskiptavinir eiga að sjálfsögðu við drykkjuvandamál að stríða í mínum huga. Grímunotkun 100% meðal starfsfólks, 25% meðal viðskiptavina (ég). Hvítvín, rauðvín, bjór og cider.

Í Nettó í Mjódd voru nær allir með grímur, einhverjir ungir strákar grímulausir, ein kona á miðjum aldri og einn ansi roskinn karl. Það eru allskonar kjötvörur á fínum afslætti í Nettó. Ég greip nautalund og svínabóg á góðum afslætti. Pulled pork um helgina en ég veit ekki alveg hvað ég geri við lundina. Finn úr því!

Gríman fór í almenna sorpið hér heima.

ps. Þetta var í fertugasta og níunda skipti sem ég gef blóð. Fimmtugasta í janúar væntanlega.