Nýja göngu- og hjólabrúin yfir Breiðholtsbraut er frábær og tengir Seljahverfi afskaplega vel við Efra-Breiðholt. Göngutúrinn minn í Breiðholtslaug, þar sem World Class er líka til húsa, er orðinn afskaplega þægilegur - 1.2km tekur svona 15 mínútur að labba sem er einmitt fín upphitun.

Mér fannst kannski engin rosa þörf á þessari brú þegar fyrst var farið að fjalla um hana, það eru undirgöng 250 metra fyrir neðan og ljós 100 metrum ofar, en þetta er til mikilla bóta fullyrði ég. Að minnsta kosti fyrir okkur sem búum þarna í næstu húsum.