Gyða stakk af til útlanda í vikunni en grasekkilslífið gengur ágætlega. Ég hef aðallega verið að skutlast með stúlkurnar hingað og þangað eins og gengur.

Fór einn út að borða á Public house gastropub í gærkvöldi meðan stelpurnar voru á sitthvorri æfingunni - keypti svo pítsur handa þeim í kvöldmat. Það var dálítið skrítið að fara aleinn á veitingastað á fimmtudagskvöldi. Maturinn var afskaplega góður. Pantaði þrjá rétti samkvæmt ráðleggingu, tveir hefðu dugað - sérstaklega þar sem nauta short ribs var ansi vel útlátinn réttur.

Ég er búinn að vera með harðsperrur í fótum alla vikuna eftir æfingu síðasta sunnudags, hnébeygjur virka! Stefni á aðra fótaæfingu á morgun.