Ég ætla að taka mér frí frá Facebook fram á vor.

Þessa mánuði er ég að vinna í meistaraverkefni með fullri vinnu. Það er frekar mikið, satt að segja alltof mikið. Til að komast í gegn um þessa önn þarf ég að nýta tímann betur og meðal annars hætta óþarfa netrápi. Það verður að segjast eins og er, Facebook er óskaplega mikið óþarfa nethangs.

Ég tek aðganginn úr sambandi á morgun, fjarlægi appið úr símanum og skelli á eftir mér eins og ég er alræmdur fyrir. Hristi af mér fráhvörfin og minnka alla aðra óþarfa netnotkun líka.

Rifja upp af og til af hverju mér finnst Facebook, þrátt fyrir marga kosti, vera að eyðileggja internetið.

Mun blogga áfram, sennilega oftar en undanfarið. Ég dett auðvitað út af Facebook spjallinu á sama tíma, þeir sem vilja ná í mig geta sent mér tölvupóst eða prófað Google hangouts, jafnvel hringt! Eini "samfélagsmiðillinn" sem ég verð virkur á er myfitnespal. Ef þið viljið endilega fá "like" frá mér verðið þið að skrá ykkur þar og gerast vinir mínir!