Inga María er að fara í próf í Kristnum fræðum á morgun. Ég var að fara yfir spurningarnar úr bókinni Kristin fræði, brauð lífsins með henni og ein þeirra er svona:

Hvað er sá kallaður sem þiggur eða kaupir eitthvað sem hann veit að hefur verið stolið?

Svarið er: Þjófsnautur

Þetta læra börn í kristinfræði í fimmta bekk grunnskóla. Spurning hvort það þurfi ekki að fara aðeins yfir þetta í Guðfræðideild Háskóla Íslands?

Ég verð að taka fram að þetta námsefni sem barnið er að fara yfir er út í hött. Þarna er blandað saman beinum ósannindum um kristni, trúboði og almennum samskiptareglum. Hvenær í ósköpunum verður kennsluefni í kristnifræði eiginlega uppfært á Íslandi þannig að það sé eitthvað annað en áróður?