Tengdamóðir mín lánaði mér bókina Brúðkaupsnóttin og ég kláraði að lesa hana í gær á lokadegi sumarfrís.

Dálítið sérstök bók. Gerist í Bretlandi ári 1962 og fjallar um nýgift hjón sem eru mætt á hótel við ströndina til að eyða saman brúðkaupsnóttinni. Það gengur ekki alveg eftir bókinni og uppgjör er óhjákvæmilegt. Bókin flakkar á milli hótelherbergisins og fortíðar þeirra. Lokasíður bókarinnar gerast alveg óskaplega hratt (minnir á atriði í bíómyndinni Up!).

Eins og Svar við bréfi Helgu fjallar bókin um þær ákvarðanir sem við tökum (og tökum ekki) í lífinu.

Veit ekki hvort bókin er "meistaraverk" eins og haft er eftir einhverjum gagnrýnendum, en hún er góð.