Lauk prófum í dag þegar ég glímdi við Stærðfræði og reiknifræði í VR-II. Þetta er námskeið fyrir tölvunarfræðinema á fyrsta ári. Einu sinnu þurfti sá hópur að taka Stærfræðigreiningu 2C, svo Stærðfræðigreiningu 2D og nú er það Stærðfræði og reiknifræði. Ég hefði alveg verið til í að taka Stærðfræðigreiningu 2C í þetta skipti!

Stærðfræði og reiknifræði er fínn kúrs, fjallar um brúun falla, tölulega heildun og þessháttar.

Mér gekk ekki jafn vel í prófinu og ég hafði vonað. Stefndi á 10 í námskeiðinu en það verður ekki.

Hitt prófið sem ég fór í að þessu sinni var í Líkindareikning og tölfræði. Það próf var skrambi erfitt. Mér fannst ég þokkalega undirbúinn (þó ég hefði mátt nýta veturinn betur) en bíð nú frekar stressaður eftir niðurstöðunni.

Á þá bara eftir að klára lítið (fjögurra eininga) verkefni og þá er þetta komið (að því gefnu að ég hafi náð lík- og töl).

Grilluðum í fyrsta skipti í ár í kvöld og ég fékk mér bjór og rauðvín með matnum.