Stefán Máni klárar umræðuna um klám og ofbeldi. Þarf eitthvað að ræða þetta frekar?

Klám er ofbeldi. Það skyldi ég ekki áður, en svo rann upp fyrir mér ljós: Bak við "glansmyndina", blekkinguna, er bara hópur af allsberu fólki sem fær borgað fyrir að nauðga hvert öðru, og þar með var gamanið búið fyrir mig.

Hinkrum við. Hvað ætli fólk sem hefur verið nauðgað segi um þessa skilgreiningu? Finnst því eitthvað sameiginlegt með því ofbeldi sem það varð fyrir og því þegar tvær fullorðnar allsberar manneskjur stunda kynlíf fyrir framan annað fólk eða myndavélar (oftast) gegn greiðslu?

Getur verið að Stefán Máni sé úti á þekju í þessu máli?

Að sussa á barn þegar fréttatíminn hefst er ofbeldi.

Ok. Ofbeldi er semsagt marklaust hugtak. Hvað eigum við þá að nota?

Að horfa með girndaraugum á ókunnuga konu er ekki það sama og að klappa henni á rassinn eða draga hana afsíðis og nauðga henni. Frá hugarfarinu til glæpsins er langur vegur, en það eru bara svo margir ungir menn lagðir af stað eftir þessum síbreikkandi, neon-lýsta vegi. Því miður.

Hvað er maðurinn eiginlega að reyna að segja?

• Klám og ofbeldi - mynd!