Ég þekki viðskiptasiðfræði ekkert sérlega vel en menn geta víst stúderað þetta við HÍ og titlað sig viðskiptasiðfræðinga.

Ég veit ekki alveg hver munurinn er á viðskiptasiðfræði og hefðbundinni siðfræði. Veit þó að í hefðbundinni siðfræði er lygi yfirleitt talinn ósiðleg. Vissulega eru til undantekningar, en almennt gildir að maður á að segja satt.

Í viðskiptasiðfræði virðast gilda önnur lögmál ef marka má orð "virts" viðskiptasiðfræðings. Viðskiptasiðfræðingar meg ljúga, sérstaklega ef lygin er um trúleysingja.

"Þegar herskáir guðleysingjar og fylgdarsveinar þeirra reyna nú að koma í veg fyrir kristinfræðikennslu í skólum borgarinnar gengur þeim nokkuð til sem þeir ekki vilja viðurkenna á yfirborðinu. Málatilbúnaðurinn gengur allur út á að mannréttindi séu aðeins aðeins tryggð með algjörri þöggun um trúmál og trúarbrögð. En markmiðið er að valda algjöru og endanlegu siðrofi á milli kristinnar kirkju og fólksins í landinu."

Skiptir einhverju máli að ekkert mál er að sýna fram á að orð viðskiptasiðfræðingsins eru ósönn og að hann veit það? Nei, að sjálfsögðu ekki. Má ekki flokka þessi orð viðskiptasiðfræðingsins sem hatursáróður gegn þeim sem andmæla trúboði í skólum?