Við hjónin tókum okkur frí fyrir hádegi í gær og sóttum stelpurnar sem eyddu vikunni í Ævintýralandi. Þegar við komum voru krakkarnir að horfa á bíómynd sem þau höfðu gert þannig að við fengum að glápa líka. Kaupum myndina svo á DVD síðar.

Þær voru óskaplega kátar, skemmtu sér mjög vel í sumarbúðum og höfðu haft nóg fyrir stafni. Heimferðin var vel nýtt í frásagnir af fólki og atburðum. Við höfðum fylgst vel með þeim á bloggsíðu sumarbúðanna. Afskaplega sniðugt fyrir foreldra sem hafa örlitlar áhyggjur af börnunum sínum.

Það er afar sennilegt að þær fari aftur næsta sumar.