Hvernig er hægt að æsa sig á hverjum einasta degi?

Nú telst ég eflaust miklu æstari en meðalmaðurinn en ég kemst ekki með tærnar þar sem æstasta liðið er með hælana. Það er alltaf alveg brjálað úr reiði, það er svo brjálað að það er búið að fá nóg og kallar eftir rosalegum breytingum strax í dag.

Það sorglega er að þetta fólk brjálast útaf öllum fréttum. Lærir aldrei neitt af reynslunni. Fattar ekki að það er verið að spila með það. Fréttir gærdagsins eru leiðrétting dagsins í dag.

Það er fínt að brjálast en ég mæli með því að fólk setji sér mörk. Reyni að brjálast bara tvisvar í viku og passi sig á því að brjálast ekki útaf fréttum dagsins. Betra er að brjálast útaf fréttunum frá því í fyrradag því þá er líklegra að fleiri en ein hlið málsins hafi komið fram. Þannig virka fréttir á Íslandi, á mánudegi er rætt við A sem segir x, á þriðjudegi við B sem segir y og á miðvikudegi við C sem segir z.

Ég er ekki brjálaður útaf þessu.