Að gefnu tilefni vil ég taka fram að ég er langræknari en andskotinn (sem hlýtur að vera rosalega langrækinn, það segir sig sjálft). Ef einhver tjáir sig eins og hálfviti um mig eða eitthvað sem mér tengist dreg ég þá ályktun að hann sé hálfviti ef hann tekur engum rökum - þar til annað kemur í ljós. Ég held ekki að allir sem eru ósammála mér séu hálfvitar - ég er að vísa til þess þegar fólk gengur lengra - segir ósatt eða er með fáránlegan málflutning til að verja þá sem ljúga.

-- Já en það er komið ár síðan ég sagði það sem pirraði þig.

Sagði einhver hugsanlega við mig í undarlegum samskiptum nýlega í kjölfar smá skots sem hann fékk á þessu bloggi.

Hefur eitthvað komið fram síðasta árið sem gefur mér vísbendingu um að þessi aðili hafi skipt um skoðun? Svarið er nei, ég verð enn að styðjast við rúmlega ársgamalt heimskulegt þvaður.

Varla er það mér að kenna?