Kíktum í bústað í gær. Móðir mín leigði bústað í Miðhúsaskógi og bauð okkur í tilefni afmælis, hún er rétt rúmlega þrítug minnir mig.

Áttum ósköp huggulega stund. Ég var reyndar að drepast úr hálsbólgu þannig að ég var ekki beint í miklu stuði. Inga María og Ásdís Birta fóru aftur á móti hamförum í heita pottinum.

Styttum okkur leið á heimleiðinni, fórum veginn milli Laugavatns og Þingvalla. Ágætur vegur en dálítið holóttur á köflum. Kolla varð aftur á móti ansi fljótt bílveik þannig að við þurftum að stoppa reglulega.