Ég var ekki búinn að stinga upp arfa í nema tæpan klukkutíma þegar ég var kominn með myndarlega blöðru í hægri lófa.

Enda er ég ekki með neitt sigg í lófum, vinn aldrei ærlegt verk heldur dunda mér alltaf í tölvu við eitthvað dútl.

Talandi um tölvur, nú gaf borðtölvan í sjónvarpsstofunni upp öndina. Ég held að aflgjafinn hafi gefið sig, það heyrist suð úr honum þegar tölvan er tengd við rafmagn.

Það var hvort eð er kominn tími á uppfærslu. Best ég reddi því á morgun svo stelpurnar geti spilað Sims þegar þær koma aftur.