Inga María keppti á innanfélagsmóti Gerplu í kvöld. Hún er á fyrsta stigi (sem heitir reyndar sjötta stig) og þar fengu allar stelpur verðlaun.

Hún stóð sig afskaplega vel og fékk góðar einkunnir, móðir hennar fékk að skoða þær hjá þjálfaranum eftir mótið. Á næsta ári tekur alvaran við, þá fá bara þrjár efstu verðlaunapening.

Mótið var nokkuð lengra en áætlað var þannig að við mættum ansi seint í þrettán ára afmæli Dóru Sóldísar. Hún er einmitt fimleikahetja.

Þar sem við komum seint tók ég næstum engar myndir, tók samt nokkrar af afmælisbarninu.

Sátum alltof lengi að kjafta um pólitík og fleira, komum ekki heim fyrr en um ellefu. Stelpurnar verða úrvinda á morgun.