Kíktum í Heiðmörk í dag, röltum í klukkutíma. Tja, röltum og sátum á bekk í klukkutíma. Milt og fínt veður. Fáir á ferli.

Ég tók slatta af myndum sem ég er að dunda mér við að setja inn.

Versluðum í Hagkaup. Lambakjöt á grillið sem verður í kvöldmatinn, fullt af kryddjurtum og meðlæti með matnum annað kvöld. Nautakjötið var ég búinn að kaupa. Ætla að fremja helgispjöll, skera nautalund í bita og elda ítalska kássu með kartöflum.

Ferðavélin mín er í tómu rugli, diskurinn að deyja. Þurfti að ræða með geisladisk og "laga" (chkdsk /r) harða diskinn enn og aftur í morgun. Skjárinn er líka að gefa sig.

Ég ætla að fara að kaupa nýja ferðatölvu bráðlega. Þokkalega öfluga, með góðum skjá og lyklaborði og síðasta en ekki síst, hljóðláta. Viftan í gömlu druslunni er að gera mig brjálaðan.