Ég verslaði í Bónus í kvöld. Keypti meðal annars:

• Níu frosna kjúklinga
• Átta stórar dósir af kotasælu
• sextán dósir af tómötum í dós
• Átta pakka af tortillas

Keypti svo sitthvað fleira. Fannst fólk horfa dálítið á körfuna en kannski var það bara vænisýki í mér.

Ég var reyndar ekki að hamstra mat fyrir heimilið heldur að versla fyrir matarboð sem við verðum með á laugardag.

Það var ekkert mjög mikið að gera í Bónus í Holtagörðum eftir sex í kvöld og ekki varð ég var við að það vantaði vörur í hillur. Grænmetið var reyndar meira og minna ónýtt en það er frekar algengt í Bónus.