Það er allt krökk af bláberjum í sumarbústaðalandinu. Ég og stelpurnar röltum smá hring á laugardag til að tékka á girðingunni og ákváðum að fara í berjamó daginn eftir.

Í gær var leiðindaveður og við fórum ekkert út. Komum bara heim með lítinn poka af bláberjum en hefðum hæglega getað tínt nokkur kíló.

Ég hengdi upp nýjar myndir í herbergið okkar (Myndirnar: 1, 2)og svo settum við hirslur í fataskápinn. Myndirnar eru prentaðar út í stærðinni 20x30cm (örlítið stærra en A4) og settar í IKEA ramma. Sólsetursmyndina lét ég líka prenta út í 30x45cm og er að láta líma á álplötu.

Kolla og Inga María byrja í frístundaheimili í dag. Kolla verður tvisvar í viku en Inga María alla dagana. Hina dagana fer Kolla í ballet klukkan þrjú, tekur strætó í Mjódd. Af því tilefni fékk hún gemsa og er ákaflega stolt af græjunni. Létum hana fá eldgamlan síma sem Áróra Ósk átti. Síminn er með Harry Potter "coveri" sem passar afar vel því þessa dagana er Kolla á fullu að lesa fyrstu Harry Potter bókina. Ó, hvað þessi börn vaxa!