Mikið hrikalega nennti ég ekki að hjóla í vinnuna í morgun. Var kominn hálfa leið út með bíllykala í vasanum þegar ég sneri við og fór í hjólagallann. Hjólaði í stuttbuxum þó það væri smá úði, skellti mér beint í sturtu þegar ég kom í vinnuna og sé ekki eftir hjólaferðinni núna. Var átján mínútur á leiðinni frá Bakkaseli að Laugavegi 178.

Las inngang og fyrsta kafla bókarinnar End of biblical studies í gærkvöldi. Það er þrælmögnuð lesning. Ég hlakka beinlínis til að halda áfram. Ekki vissi ég að þegar séra Örn Bárður og fleiri prestar tala um hve margt er sameiginlegt með upphafi Sköpunarsögunnar og kenningunni um Miklahvell séu þeir að stóla á þýðingarvillur.