Bjarni Harðarson þingmaður Framsóknarflokksins svarar með dæmigerðum útúrsnúningum og dylgjum um ofstæki á bloggi sínu. Hver er afsökun hans fyrir því að endurtaka ósannindi eftir að ég fór á hans fund til að leiðrétta misskilninginn? Lesið svar hans og útskýrið það fyrir mér.

Ég skrifaði athugasemd hjá Bjarna þó það sé ekki til neins, best að vista hana hér líka:

Þetta svar þitt sýnir betur en allt sem á undan hefur komið hversu óheiðarlegur þú ert Bjarni.

Hér sakaði ég þig um óheiðarleika, ég hvet lesendur til að skoða þetta.

Að mér skilst fyrir það að ég skuli ekki viðurkenna að í einkasamtali við hann hafi ég játað yfirsjónir mínar og viðurkennt mig sigraðan fyrir hinu eina sanna trúleysi sem ku túlkað af hinum mikla söfnuði Vantrú.is

Nei Bjarni stjórnmálamaður, ég saka þig um óheiðarleika vegna þess að þú endurtekur rangfærslur eftir að ég hafði leiðrétt þær. Þú veist betur en ákveður samt að setja fram rangfærslur.

Það er ekki aukaatriði að þú skulir ítrekað halda því fram að umræðan snúist um baráttu gegn kristinfræðikennslu. Það er aðalatriði málsins. Það er kjarni málsins. Um það snýst þessi umræða.

Segðu nú lesendum þínum hvernig samtal okkar endaði.

Er ekki rétt að ég hafi kvatt þig með þeim orðum að nú hafi ég leiðrétt þennan misskilning varðandi það að einhverjir trúleysingjar væru að berjast gegn kristinfræðikennslu og að ég treysti því að þú myndir taka upp hanskann og leiðrétta þetta næst þegar þessu yrði haldið fram.

Er þetta rétt eða rangt Bjarni Harðarson alþingismaður. Tókstu kannski ekki eftir þessu vegna þess að þú varst upptekinn að ræða við Össur og á leiðinni á fund?

Hvað í ósköpunum er ósmekklegt og "rótarlegt" við greinarnar sem þú vísar í á Vantrú? Lastu þær sjálfur?

Á Alþingi talaðir þú um hroka þeirra er halda því fram að Gvuð sé ekki til. Á sama tíma mærir þú presta sem fá greitt fyrir að halda því fram að Gvuð sé til.

Ef þetta er ekki öfugmæli veit ég ekki hvað á að kalla þetta. Framsóknarmennska er eflaust orðið sem ég er að leita að.

Vel má vera að Bjarni sé trúleysingi eins og hann þreytist ekki á að halda fram, en hann er samt sem áður andstæðingur trúfrelsis. Það gerir hann mun hættulegri en t.d. biskupinn eða Árna Johnsen. Bjarni Harðarson er úlfur í sauðagæru en fyrst og fremst er hann Framsóknarmaður.