Inga María fór í leikskólann í síðasta skipti í dag. Hér eftir eigum við engin leikskólabörn (og erum þar með laus við leikskólapresta - og þó, þeir halda sig ekki bara við leikskólann).

Þetta var ekki bara síðasti leikskóladagurinn hennar - þetta var allra síðasti leikskóladagurinn okkar. Tja, þar til við förum stökum sinnum að til að sækja barnabörnin eftir rúm tuttugu ár.

Skólinn byrjar eftir tvo rúma tvo mánuði en þangað til verður Inga María í sumarfríi, þar af stóran part með okkur hinum. Næsta vetur verða allar stelpurnar þrjár í Ölduselsskóla.

Inga María tók með ís handa krökkunum og púsl sem leikskólinn fékk að gjöf. Kvaddi svo leikskólastjóra og starfsmann með knúsi í lok dags.