Er ekki að verða kominn tími á að einhver óháður aðili búin til rss yfirlit sem tæki við af rss.molar.is og mikkivef - en báðar þær síður eru í raun óvirkar, ekki hægt að bæta síðum á molana og mikkivefur hefur ekki uppfærst í einhverja mánuði. Á svona síðu þarf að vera hægt að búa til lista af bloggum, skoða lista, bæta inn nýjum bloggum og svo framvegis. Kerfi sem myndi styðja staðla og vera opið.

Ég held að sú þróun sem er að eiga sér stað nú, með lokuðum bloggsamfélögum á moggablogginu og vísisblogginu sé afar óæskileg. Bloggsamfélagið hér á landi hefur hingað til verið opið, en nú stefnir í lokuð aðskilin samfélög bloggara.

Ég held það sé ekkert stórmál að búa til bloggyfirlit, a.m.k. ekki tæknilega. Jafnvel er spurning hvort hægt sé að útbúa lausn ofan á google reader eða álíka tól. Vandinn er bara með hýsingu og kostnað við tengingu og vél. Það er ljóst að svona síða gæti fengið töluverða umferð og því spurning hvort eitthvað væri hægt að kosta hana með auglýsingum.

Þetta þarf að skoða.