Fór með bílinn í þrif eftir vinnu, þegar ég kom heim var hann orðinn skítugur en þó ekki jafn skítugur og áður.

Bíllinn hennar Gyðu var rafmagnslaus í gærmorgun, Inga María hafði kveikt ljós í bílnum daginn áður. Við keyptum startkapla á bensínsstöð, þeir kostuðu rúmar 2500 krónur. Kaplarnir eru framleiddir í Kína og fluttir inn fyrir svona 200 krónur giska ég á. Olíufélögin þurfa að ná inn aur til að borga sektirnar fyrir samráðið með einhverjum hætti. Annars hélt ég að rafgeymir ætti að ráða við að knýja eina litla ljósaperu í sextán tíma.

Það er léttur dúandi taktur í hægra eyranu á mér.

Ég tók með mér íþróttadót í morgun en fór ekki í ræktina þrátt fyrir góðan vilja. Ég fer þó í fótbolta í fyrramálið. Dótið er ennþá úti í bíl.

Í sjónvarpinu er handbolti, fer þetta ekki að verða búið.