Jamm, vinna á morgun. Það varð lítið úr þessu fríi finnst mér nú þegar það er búið.

Gyða byrjaði í vinnunni í dag. Ég vaknaði með stelpunum um tíu. Höfðum það rólegt fyrri partinn en eftir hádegi töldum við allar tómar flöskur og dósir á heimilinu. Stelpunum þótti það skemmtilegt, þær sáu um að telja og merkja X á blað fyrir hverjar tíu flöskur. Fórum svo með allt í Sorpu og þær fengu sitt hvorn fimm hundruð karlinn fyrir vinnuna.

Skelltum okkur í Kringluna og fengum okkur að borða. Fórum svo í Hagkaup þar sem þær eyddu launum sínum, afskaplega sáttar báðar tvær.

Ég ætla að hjóla í vinnuna í fyrramálið. Já, ég er ekkert að ljúga. Ég spái miklum svita á morgun og jafnvel hressilegum harðsperrum á næstu dögum.