Ég er búinn að vera. Þreyttur og alltof saddur.

Samt vaki ég, sötra Stella og reyni að slaka á. Djöfull tekur það á að eyða næstum heilum degi í eldhúsinu.

Stelpurnar vöktu fram yfir miðnætti, hér voru opnaðir skrilljón pakkar og tveir að auki. Áróra nútímabarn fékk flesta enda í mörgum fjölskyldum en langaamman og afinn fengu líka fjandi marga pakka. Ég fékk nokkra (les: við fengum nokkra) og er sáttur.

Vonandi verður morgundagurinn rólegur fram að jólaboði annað kvöld. Ef allt gengur upp leika stelpurnar sér með nýja dótið og ég geri ekki neitt fyrir utan að borða afganga og glugga í bækur.