Fór í fótbolta í Fífunni í kvöld, fyrsta sinn í ansi langan tíma. Lappirnir entust allan tímann og restin af mér tæplega það. Djöfull er ég feitur og í slöppu formi. Æi, tökum á því máli eftir áramót. Það var helvíti fínt að komast í alvöru bolta.

Sótti nýju gleraugun í lok dags, hef verið að prófa þau í kvöld. Eins og ég vissi sé ég ver með þeim en án nema akkúrat þegar ég glápi á tölvuskjá. Finnst ég ekki sjá neitt betur þegar ég horfi á skjáinn, en markmiðið var að hvíla augun - kemur fljótt í ljós hvort það virkar. Eitt vandamál er því að ég á erfitt með að skipta yfir á sjónvarpsskjáinn þegar ég er að tölvast fyrir framan sjónvarpið. Það er svosem ekki stórt vandamál. Tók sjálfsmynd með nýju gleraugun í kvöld. Væntanlega sér það enginn nema ég, en myndirnar í þessari gleraugnasjálfsmyndaseríu er ansi vel lýstar (ekki frábærlega, en samt - ég hafði fyrir þessu)

Stækkaði letrið á síðunni í dag. Gengur ekki að fólk með gleraugu sé með svona smátt letur á blogginu. Ætla að breyta síðunni bráðlega, er búinn að skissa upp nokkrar útgáfur.