Fór til Gunnars Sveinbjörnssonar augnlæknis í Glæsibæ í morgun. Hann rýndi í augun á mér, lét mig lesa stafi og setti mismunandi gler fyrir. Niðurstaðan er að mig vantar gleraugu til að hjálpa mér að fókusa og hvíla augun við tölvugláp og lestur, +0.5 að styrkleika. Þetta finnst fólki sem er í alvöru sjóndapurt eflaust aumkunnaverður styrkleiki en svona er þetta bara :-) Gleraugun mega ekki vera of lítil til að þreyta ekki augun. Ég þarf semsagt að fara á stjá og finna mér vinnu/les gleraugu. Ég mun ekki geta notað þau til að horfa fjær mér og Gunnar tók fram að ég myndi ekki einu sinni nota þau til að horfa á sjónvarpið.

Ég spái því að ég eigi eftir að gleyma þessum gleraugum fyrir framan tölvuna heima eða í vinnunni óendanlega oft í náinni framtíð.