Að ekki sé talað um hversu áreiðanleg sú leitarvél er sem rukkar fyrirtæki fyrir að vera með í gagnagrunninum, lénum sem ekki greiða er hent út. Sjá tvær gamlar færslur frá mér um þetta, einnig skráningarsíðu leit.is.

Ég gaf endanlega skít í leit.is eftir þetta og hef kappkostað að segja sem flestum frá þessu. Ég skil vel að þurfa peninga til að reka þjónustuna en þessi fjáröflunaraðferð rústar alveg trúverðugleika leit.is.

Sælir félagar, þetta er svona nokkurn veginn rétt. Leit.is rekur vélarnar (bottana) og berum við alla ábyrgð á þessu.

En við höfum verið að reyna að breyta bottunum þannig að þeir hlusti betur á robots.txt og er það loksins að koma í gegn. Þetta gengur hægt þar sem þetta er gert af aðilum erlendis og er víst ekki eins einfalt og maður vildi að breyta þessu (hef ekki betri skýringu).

Einnig má athuga að með þessari nýju leitarvél leysist kvótavandamálið sem var með gömlu og því er óþarfi að rukka fyrir innskráðar síður.

Finnst þið helvíti harðir við fyrirtæki sem hefur ekkert gert nema gott fyrir íslenska netverja.

Kveðja, Stígur vefstjóri leit.is

Stígur, áttar þú þig á því hvað það er hrikalega hallærislegt að þykjast vera "pró" leitarþjónusta, og velja að nota leitarhugbúnað sem virðir ekki einu sinni lágmarks siðareglur um hegðun leitarróbóta, og segja svo að það sé "ekki einfalt" að gera eitthvað í þessu.

Matti var bara nákvæmlega jafn harður við ykkur og þið áttuð skilið, í þessu tilfelli, og Gunnar endurtekur bara gagnrýni sem hefur heyrst í mörg, mörg ár (og sem er a.m.k. að hluta til réttmæt).

Ég óska ykkur alls hins besta (í alvöru!) en mér finnst þið hins vegar skjóta ykkur all hrapalega í fótinn í þessu máli og ekki síst með þessum viðbrögðum.

Virðingarfyllst,