Var mættur með stelpurnar í leikskólann klukkan hálf níu í morgun. Við fórum á fætur fyrir átta og ákváðum að ná morgunmatnum í leikskólanum. Stelpurnar voru báðar kátar, mánudagar eru góðir dagar, þær fara báðar í sport eftir skóla. Inga María í leikfimi og Kolla í fótbolta.

Sendi mynd í ljósmyndakeppni, fylgist afar spenntur með einkunnum skríða í hús. Verð fjúríus þegar meðaleinkunnin lækkar, afar glaður þegar hún hækkar :-) Vika er alltof langur tími til að bíða eftir niðurstöðu. Birti myndina hér þegar keppnin er búin.

Í kjölfar frétta Fréttablaðsins af Baugsmáli virðast margir forvitnir um Jónínu Ben. Ég efast um að hún sé ánægð með niðurstöðu google! Ég stend þó við þau skrif mín, tel þau réttlætanleg en þau tengjast Baugsmálinu ekki á nokkurn hátt.

Lenti í stuttri samræðu um þetta blogg á föstudagskvöldið, viðmælanda þótti ég stundum full harðorður í ákveðnu máli - sem er rétt. Ég lofa að bæta mig :-)