Vinnufélagi minn benti mér á það í gær að það er bölvað vesen að velja texta á þessari síðu með IE. Ég hafði ekki grun enda nota ég bara Firefox og vissi ekki að þetta gæti verið vandamál.

Ef maður reynir að velja texta með IE, með því að smella einu sinni og draga, velur maður um leið allan texta síðunnar eða allan texta fyrir neðan. Það virkar að tvísmella til að velja orð eða þrísmella til að velja málsgrein, en ekki að smella einu sinni og draga.

Ég reyndi að finna lausn á netinu í gær en fann ekkert nema þetta sem virkar ekki hjá mér. Sýnist þetta vandamál tengjast absolute staðsetningum og dálkaskiptingu en veit þó ekki.