Fór á djammið á föstudag. Byrjuðum á vínkynningu á Vínbarnum. Það var nokkuð fróðlegt, starfsmaður staðarins fór með okkur í gegnum þetta og kenndi manni að smakka vín! Fengum smárétti þar eftir kynninguna, meðal annars osta og brauð. Hitti Jakobínu á Vínbarnum og skömmu síðar komu foreldrar mínir á svæðið. Þetta er greinilega staðurinn :-)

Ákváðum að rölta og fá okkur eitthvað létt að borða. Enduðum á Thorvaldsen, borðuðum þar og vorum svo þar inni fram á nótt. Ég fór heim um þrjú.

Gærdagurinn var afar rólegur, hádegismatur á nesinu og svo rólegheit hérna heima. Stelpurnar léku sér úti allan daginn, foreldrarnir slökuðu á.

Stefnan er sett á að kíkja í smá bíltúr í dag. Stelpurnar eru reyndar úti að leika sér akkúrat núna. Ég er svo að fara að spila fótbolta klukkan sex, geri ráð fyrir að fara eitthvað inn á sjálfur, er skárri í tánni enda var ég berfættur í allan gærdag svo þetta myndi eitthvað gróa.