Jæja, þessi steggjun fór ekki alveg eins og planað var. Veðrið var ekki með okkur í liði og útilokaði planað listflug. Byrjuðum í keilu og vonuðumst til að það myndi létta upp, um sex létti aðeins upp en entist því miður ekki nógu lengi. Blésum flugið því af og brunuðum í Bláa lónið þar sem við létum fara vel um okkur. Einar fékk nudd meðan við hinir prófuðum kísilnn og einhverjir "göntuðust" við aðra gesti. Ég er ekki frá því að lónið og aðstaðan sé örlítið betri nú en síðast þegar ég fór árið 1990.

Þvínæst héldum við í bæinn og komum okkur fyrir í Forsetaherberginu á Hótel Reykjavík centrum. Flott aðstaða og flottur matur. Hugmyndin var að sitja þar og láta fara vel um okkur fram eftir nóttu en það fer ekki alltaf allt eins og planað er. Fórum nokkuð snemma og röltum yfir á Dubliners. Sumir voru svo orðnir nokkuð þreyttir, stemmingin virtist hafa horfið og því skutlaði ég nokkrum heim. Sjálfur hefði ég gjarnan viljað vera lengur í bænum þó ég væri bláedrú.

Flugið fær Einar síðar.

Myndir