Fékk símhringingu frá leikskólanum í hádeginu, var staddur í Nettó að kaupa mér hádegismat hjá Dóra. Inga María komin með hita, slöpp og borðaði ekki neitt. Ég reyndi að ná í Gyðu en hún svaraði ekki síma, tekur ekki gemsann með sér í mat! Nákvæmlega hver er tilgangur gsm síma ef maður tekur hann ekki með sér?

Ég skaust og sótti Ingu Maríu eftir að hafa borðað steikta fiskinn hans Dóra á mettíma, hún liggur í sófanum og horfir á Brúðubílinn á DVD. Syngur með og er þokkalega hress þrátt fyrir veikindi.

Gyða er á leiðinni, þarf að klára skýrslu. Ég á frekar erfitt með að taka veikindafrí akkúrat núna. Missi af síðasta fundi með vefþjónustuhópnum útaf þessu, dálítið fúlt.