Ég svaf eins og steinn í morgun (tja, ef við gefum okkur að steinar sofi). Vaknaði við að dyrabjallan hringdi, var þá búinn snúsa í klukkutíma. Heyrði að Áróra fór til dyra og hleypti Eddu vinkonu sinni inn.

Þær voru komnar aftur úr skólanum, kennarar í Ölduselsskóla skrópuðu í stórum stíl. Leika sér í Playstation og hanga á internetinu. Áróra og Edda, veit ekki með kennarana.

Það verður áhugavert að sjá hvernig þetta þróast.

Mætti með stelpurnar í leikskólann rétt fyrir hálf ellefu, held ég hafi aldrei mætt svona seint með þær. Þetta var náttúrulega strembin helgi!