Ekki laust við að ég sé ennþá þreyttur eftir skrall laugardagskvöldsins. Byrjaði á fyrsta innibolta vetrarins. Kvenfélagsfundurinn heppnaðist vel, átum, drukkum, spjölluðum og horfðum á gamlar myndbandsupptökur. Myndbönd með Bone china og vídeó sem ég, Davíð og Hrafn tókum upp á fylleríi fyrir ball heima hjá Davíð þegar við vorum átján/nítján. Fátt merkilegt á því myndbandi, en hvaða smábörn voru þetta? Gaman að rifja þetta upp.

Einar Már kom með brennivín sem við skvettum í okkur, eitthvað fór það misvel í menn og sumir fóru snemma heim eftir að hafa spúið í vaskinn.

Gærdagurinn var rólegur, ég var ekki þunnur en þokkalega þreyttur. Fórum í vöfflur til foreldra minna sem eru búin að koma sér vel fyrir í nýju íbúðinni.

Skellti nokkrum myndum úr eins árs afmæli Ásdísar Birtu og frá gærdeginum inn á myndasíðuna. Svona er ég daginn eftir fyllerí, þyrfti að raka mig bráðlega!