Ég er ekki alveg í toppstandi þessa dagana. Er með lófastórt vætlandi brunasár ofarlega á vinstra læri, risastóran marblett við vinstra hné, sár framan á hnénu og vel skrapaður framan á vinsti kálfa.

Er stífur í hálsinum, á erfitt með að líta snöggt til hliðar. Veit ekki hvort ég hef legið illa undanfarnar nætur eða hvort þetta tengist boltanum líka.

Ofan á þetta bætist að ég er illa sofinn. Fór ekki að sofa fyrr en um hálf þrjú síðustu tvær nætur og fór á fætur með stelpunum rétt rúmlega átta í morgun. Þarf að snúa sólarhringnum við, ætti að geta sofnað snemma í kvöld.

Hef oft verið í betra standi.