Töpuðum 2-1. Komumst yfir á annarri mínútu, ég komst einn i gegn eftir varnarmistök og skoraði nokkuð örugglega.

Þeir fengu víti og jöfnuðu, frekar ósanngjarn dómur. Dómarinn vildi meina að um bakhrindingu væri að ræða en við erum ekki sáttar við þann úrskurð - auk þess áttu sóknarmenn ekki séns í boltann, sendingin var það há. Jæja, það þýðir lítið að væla útaf óhagstærði dómgæslu.

Sigurmarkið var klafs, sóknarmaður þeirra skoraði með hnénu.

2-1 í hálfleik, liðin sóttu á báða bóga í seinni hálfleik, við fengum ágæt færi en náðum ekki að bæta við marki.

Leikurinn fór drengilega fram, lítið um gróf brot en dómari leiksins var ansi duglegur á flautunni. Dufþakur er með ágætt lið og virðast vera í þokkalegu formi, a.m.k. borið saman við Henson en það er kannski ekki alveg marktækur samanburður. Miðjumennirnir hjá þeim voru duglegir og hreyfanlegir.

Nenni ekki að skrifa langa leikskýrslu. Enn og aftur töpum við þó lítið skilji að liðin. Eigum ennþá séns á að hanga upp en hann minnkar þó. Þurfum að vinna a.m.k. einn leik af síðustu þremur.

Ég átti sæmilegan dag, skoraði markið og gerði ágæta hluti. Fékk frekar slæma byltu í lok fyrri hálfleiks, lenti illa á hausnum, var hálf dasaður. Kom þó inná í seinni hálfleik.

Náði svo að skrapa á mér lærið, renndi mér á eftir boltanum í vörninni og bjargaði í horn, akkúrat á þurrum bletti á gervigrasinu, er með myndarlegt brunasár.

Drasl.