Það er ekki hægt að segja annað en að sumardagurinn fyrsti hafi veri alvöru sumardagur þetta árið - a.m.k. hér í Reykjavík. Við röltum í Hólmasel og dunduðum okkur, fórum svo í Garðheima og keyptum klippur og tókum skurk í garðinum, ég klippti tré eins og djöfullinn sjálfur (var hann ekki helvíti duglegur að klippa tré?). Settum sólvörn á stelpurnar og ég þorði ekki annað en að setja after sun á mig í kvöld.

Grillaði svo lamba og svínakjöt ásamt maísstönglum, bakaði kartöflur í ofni ásamt hvítlauk og fengum okkur rauðvín með matnum. Er satt að segja frekar léttur þessa stundina, enda búinn að stúta nokkrum bjórum auk rauðvínsins. Fínn undirbúningur fyrir ferðina.

Ég tók helling af myndum, setti nokkrar á netið.