Ég fékk ansi vænt spark aftan í kálfa á æfingu í gærkvöldi og er að drepast í fætinum, haltra um eins og ... tja, ég haltra um.

Æfingin var annars óhefðbundin. Þegar við mættum í Laugardal kom í ljós að Reykjarvíkumót var í gangi (yngri flokka, 2.fl held ég) og því fengum við ekki völlinn. Húsvörðurinn sagði að framkvæmdarstjóri (Þróttar?) hefði sent tölvupóst á alla þjálfara og látið vita, en hvorki ég né þjálfari meistaraflokks ÍBV höfðum heyrt af þessu. Kjánalegt líka í ljósi þess að símanúmerið mitt var á vísum stað og því hefði ekki átt að vera mikið mál að hringja í mig.

Við fórum á gervigrasið við Austurbæjarskóla og spiluðum þar í rúman klukkutíma. Af einhverjum ástæðum eru ljósin þar slökkt klukkan tíu á kvöldin, en við spiluðum áfram við skímuna af nærliggjandi ljósastaurum auk þess sem við lögðum tveimur bílum við hlið vallarins og lýstum upp með bílljósum. Þetta var svosem skárra en ekkert. Ég veit ekki hvort það var lýsinging eða eitthvað annað, en ég varð fyrir óvenju mörgum spörkum í gærkvöldi.