Nú um mánaðarmótin rann kortið í ræktina úr gildi. Ég er ekki alveg með framhaldið á hreinu. Hef ekki mætt í ræktina í tvær vikur útaf annríki, er sem betur fer duglegur að mæta í fótbolta, en ég hreinlega verð að lyfta eitthvað líka, annars mun ég blása út!

Ég veit ekki með framhaldið - ég þyrfti að komast tvisvar til þrisvar í viku í lyftingar, er þrisvar í fótbolta, en á ekki gott með að finna tíma. Kemst ekki á morgnana þar sem ég skutla stelpunum alltaf í leikskólann og á erfitt með að fara eftir vinnu þar sem ég get ekki látið Gyðu vera eina með stelpurnar á þeim tíma.

Spurning hvort ég reyni að fara eftir átta á mánudögum, þriðjudögum og föstudögum. Þá væri ég úti öll virk kvöld en ég hangi nú hvort sem er bara á netinu heima á kvöldin :-|

Best væri eflaust að geta skotist í hádeginu, ég veit bara ekki alveg hvernig stemming er fyrir því á mínum vinnustað. Ég þarf að skoða þann möguleika betur.

02.12.03 - 12:50
Ég held að leikfimi í hádeginu sé málið. Að minnsta kosti væri ég ekki að fórna neinu merkilegu!