Skellti mér í ræktina í morgun eftir að ég skutlaði stelpunum á leikskólann. Hringdi og vakti Didda bróður og rak hann með mér. Kortið mitt var útrunnið í dag, keypti mér þriggja mánaða kort. Ætla að bíða með að kaupa mér árskort þar til eitthvað hefur gerst í atvinnumálum, vel svo líkamræktarstöð sem hentar.

Við bræður tókum brjóst og bak í morgun, tókum alveg ágætlega á því. Það munar alveg ótrúlega miklu að hafa einhvern til að spotta þegar maður er að taka bekkpressu og handlóð í hallandi bekk. Þessi síðasta lyfta sem maður lyftir ekki án hjálpar er galdurinn.

Eftir ræktina skellti ég mér svo út að borða með Gyðu á veitingastaðinn Grænn kostur. Ég er ansi ánægður með þann stað, skammtarnir eru ágætir (þó mér hafi fundist þeir litlir í gamla dag) og maturinn undantekningarlaust bragðgóður.