Inga María byrjaði í leikskóla í morgun. Við fórum saman, ég Inga María og Kolla rétt fyrir tíu. Fórum með Kollu á kisudeild og kvöddum hana þar sem hún var að velja fyrir valstundina.

Vorum mætt stundvíslega klukkan tíu á bangsadeild og hittum Vilborgu deildarstjóra. Hún tók á móti Ingu Maríu og bauð henni inn, Inga María rölti á eftir henni og var ekkert að spá í pabba sínum sem læddist inn á eftir og settist við næsta borð. Stuttu síðar leit hún við og sá að ég var þarna nálægt, en þetta byrjar semsagt vel.

Við sátum svo við borð og Inga María dundaði sér við að púsla og leik sér með kubba. Fórum svo inn í herbergið með sófanum og lásum nokkrar bækur. Tveir aðrir krakkar eru að byrja á bangsadeild á sama tíma og voru þarna líka.

Í fyrramálið eigum við að mæta hálf tíu og þá er ráðgert að ég skreppi örstutt fram á kaffistofu, skylji hana eftir. Ég er nokkuð bjartsýnn á þetta allt saman.