Ég verð að hrósa R-listanum fyrir ylströndina í Nauthólsvík, þó þeir hafi klúðrað ýmsu er ylströndin snilldar framtak. Eflaust eru margir frjálshyggjumennirnir sem sjá eftir aurunum (ok. milljónatugunum) sem í þetta hafa farið en ég er ekki einn þeirra.

Ég, Kolla og Inga María fórum í morgun (ég tók nokkrar myndir) og skemmtum okkur stórvel. Busluðum í sjónum, lékum okkur á ströndinni og enduðum í lauginni fyrir framan afgreiðsluna.

Að lokum fórum við í kaffi Nauthól og borðuðum ágætis hádegismat. Á heimleiðinni þverneitaði Inga María að hún ætlaði að leggja sig heima, sofnaði svo í bílnum. Mér tókst að bera hana upp í rúm þar sem hún sefur. Kolla er úti að leika sér, dáldið einmana samt þar sem það eru engir krakkar á hennar aldri hér fyrir utan.