Það er nú dáldið langt síðan ég rakst á umtal síðu feministanna, varð var við tilvist hennar um leið og feministar fóru að smella á linkana á mína síðu. Ég var ekkert að kippa mér upp við þetta, síðan var augljóslega tekin saman til að geta vísað í við umræður, ég sá enga ástæðu til að benda á hana. Ef maður skrifar gagnrýni (hvað þá skítkast) í dagbókina sína verður maður að taka því þegjandi þegar einhver svarar manni/vísar á mann/talar um mann. Þannig er það nú bara.

Það er dáldið klaufalegt að láta nappa sig með því að leyfa google að lesa síðuna, það er lítið mál að stoppa google í því að skoða síður og vista.

En annars finnst mér þessi referer paranója þrælskemmtileg. Um daginn skrifaði ég lítið python scripts sem sækir vefsíður og setur eitthvað bull sem referer, langaði svo að prófa það með því að sækja síður hjá vænisjúku fólki og hafa referer sem http://www.cia.org/todo/ eða eitthvað í þá áttina. Verst að maður getur ekkert átt við client uplýsingarnar (ip töluna, hún er fengin local á servnum en er ekki hluti af HTTP requestinu). Ég er ekki saklaus af því að velta mér upp úr referer vænisýkinni og skráði mig meðal annars á feminista forum um daginn einungis til að geta skoða link á mig þaðan. Það var ekkert verið að tala illa um mig svo ég er ekkert að missa svefn :-)

Varðandi skítkastið sem nú skekur bloggheima, þá finnst mér það óttalega kjánalegt. Skemmtilegast þykir mér að sjá hversu litla stelpan er viðkvæm og brothætt þegar allt kemur til alls.

Svanson túlkar upprunalegu síðuna þannig að hún hafi verið listi um umræðu á lágu plani.

Eg vard nu halfordlaus ad sja thad tynt til sem daemi um skrif a lagu plani. Eru kannski serstakir fyrirlestrar um thad i kynjafraedinni hvernig a ad lesa "dypri" merkingar ut ur skrifum annarra?

Tekið saman fyrir ráð Femínistafélagsins 3. maí 2003 til að sýna á hvaða nótum umræðan er á Netinu.

Ég kaus sjálfur náttúrulega að líta þannig á þetta að þarna væri verið að benda á rjómann í íslenskri bloggflóru þar sem vísað var þrisvar á mína síðu :-P

Hér er annars snilldin sem umtalssíðan alræmda vísaði á:
Ég hugsa, þess vegna er ég ekki feministi Þarna var ég eitthvað að tuða um bleiku bolina frægu.
tilveran og batman, vísanir á myndir Þetta tengist feministum afskaplega lítið í raun.
Öfgakjaftæði og þarna er ég að tuða um grein eftir Sverri Jakobs

Umtalssíðan vísaði aftur á móti ekki á þessar síður:
Feminasistar
Framtíð feministafélagsins
Er ég skyggn?
Eru konur eins og kóngulær?
Sannir karlmenn

Æi, af hverju geta ekki bara allir verið vinir, farið úr fötunum og stundað hópkynlíf :-)