Ég skellti mér í ræktina í morgun eftir að ég skutlaði stelpunum í leikskóla, til dagmömmu og á reiðnámskeið. Tók létta æfingu og brunaði svo í bæinn, lagði bílnum hjá vinnunni hennar Gyðu og rölti niður á Klapparstíg. Hennti ferðavélinni á skrifborðið mitt og rölti svo yfir götuna og skellti mér í klippingu og lét taka af mér megnið af hárinu.

Við hjónin fórum út að borða í hádeginu, skelltum okkur á grænan kost. Sátum úti og borðuðum stórgóðan mat, ég verð nú samt að taka fram að ég er glorhungraður núna þremur tímum síðar. Þegar við sátum úti var verið að taka upp eitthvað atriði í morgunsjónvarpið, einhverjir World Class gaurar ásamt íþróttafréttamönnum Norðurljósa að borða hollmeti. Ekki nenni ég að gá hvort það sjáist í nýklipptan hnakkan á mér í því innslagi.

Nú er unnið að því að finna stað og stund fyrir kvenfélagsfund, löngu kominn tími á það.