Það kom að því að ég drullaði mér í ræktina. Þegar ég mætti í World Class rúmlega átta í morgun var það í fyrsta sinn síðan á mánudagin í síðustu viku.

Tók fína æfingu miðað við slappleikann undanfarið. Brjóst, bak og fætur. Reyndar léttar fætur þar sem það er örugglega kominn mánuður síðan ég lyfti síðast með fótum.

Þetta gengur náttúrulega ekki lengur.

Nú verður tekið vel á því alla vikuna. Mæti í fyrramálið og skokka fimm kílómetra (treysti mér ekki í sex kílómetra, sjáum annars til), á miðvikudag verður fótboltaæfing, lyfti á fimmtudag og föstudag, fótbolti á laugardag.

Svo verður fagnað á laugardagskvöldið.