Nú er sólarhringur síðan crunchið hætti og ég er smátt og smátt að átta mig á ástandinu.

Fór úr vinnunni klukkan fjögur í dag, skellti mér í World Class og hljóp fimm kílómetra á 30 mínútum. Svitnaði all hrikalega og leið rosalega vel á eftir.

Var kominn heim hálf sex, dundaði mér með stelpunum og eldaði svo túnfiskpasta í kvöldmatinn. Ég held að stelpurnar þurfi smá tíma til að venjast því að ég sé svona mikið heima.