Þessa stundina er skítaveður úti, 15m/s norðanátt þannig að ég sleppti því að hjóla í vinnuna í dag. Fór á bílnum, kom við í World Class og hljóp þar fimm og hálfan kílómeter í staðin. Ágætt að skokka líka af og til.

Helgin var nokkuð góð, fór í vinnuna alla dagana en var ekki lengi í hvert sinn. Á laugardaginn fór ég í kvöldmat til tengdó. Sunnudagskvöldið var matarboð hjá foreldrum mínum. Jakobína, Jörundur, Ásmundur, Harpa og börn voru á staðnum. Þetta er svo langur listi, hálf kjánalegt að telja þetta allt upp :) Jæja, Auður, Gummi og Þórður Jörundarbörn voru þarna líka auk Dóru Sóldísar og Ásthildar Ásmundardætra. Jóna Dóra og Óttar voru líka, en þau eru nú oft á Sunnudögum í mat ásamt okkur.

Þjóðhátíðardaginn mætti ég í vinnu um hádegið og var í um fjóra tíma meðan stelpurnar röltu um þvöguna í bænum.