góðan daginn
Davíð klikkaði í morgun. Kemur dáldið á óvart miðað við ákafann í honum á þriðjudaginn. Jæja, svona er þetta, þýðir ekkert að svekkja sig á því. Tók mér bara góðan tíma í að lesa moggann áður en ég tók strætó 6:50 í World Class. Þar hljóp ég 6km á 32.15 sem er svosem ágætt. Var 89,7kg eftir tímann. Fer vonandi að sjá 89kg á vigtinni fyrir tíma bráðlega. Þarf bara að vera samviskusamur í mataræðinu næstu vikurnar.

Ég er að spá í að fara að hjóla í vinnuna á morgnana. Allavega þegar veðrið er eins og það var í morgun. Eina vandamálið er að það er engin sturta hérna í vinnunni og ég á það til að svitna dáldið hressilega. Hef rætt þessi sturtumál við nokkra hér og er bjartsýnn á að úr rætist á næstunni. Sérstaklega fyrst menn ætla að fara í fjögurra mánaða brjálæði hérna.